Linah akanusha tuhuma za kubakwa na Rapper Kimbunga, “huyo Kimbunga hata simjui”

Mwimbaji wa THT Linah Sanga amekanusha taarifa zilizosambazwa kupitia mtandao wa kijamii wa facebook na mitaani kuwa amebakwa na rapper Kimbunga.

Akiongea na mtandao wa Bongo5 Linah ameshangazwa na kusikitishwa na taarifa hizo zilizoonekana pia kupitia ukurasa wa facebook wa rapper wa Kikosi cha Mizinga KalAPina jana kupitia akaunti yenye jina ‘Kala Pina Kikosi cha Mizinga’.

“mtoto kimbunga amechamba ana leta usela mavi mambo ya kizamani hivi yupo chini ya ulinzi osterbay police kwa kosa la kumbaka msanii lina.” Aliandika Kala Pina.

Linah amesema alipigiwa simu na watu wake wa karibu wakimuuliza kuhusu taarifa hizo akiwemo Ditto, Barnaba na Amini. 

Amesema ameshangazwa na taarifa hizo ambazo na yeye ameambiwa zimeandikwa na Kala Pina lakini hakutaka kujipa stress kwa kuwa kuna kazi anaifanya asije akaiharibu na kwamba vitu vingine kama hivyo ni vya kuvipotezea tu, lakini hakupendezwa kabisa na taarifa hizo.

“Kiukweli sijapenda, yaani bora mtu anizushie kitu kingine chochote lakini si suala hili hapo, si suala zuri.” Alisema Linah.

Aliongeza kuwa jumamosi usiku alikuwa ametoka na boyfriend wake kwenda kuangalia cinema na hakuna kitu kingine kilichotokea kwa hiyo hafahamu kabisa taarifa hizo zimetokea wapi na wala hata huyo Kimbunga yeye hamjui.

“Sasa sielewi huko kubakwa nimebakwa saa ngapi na nilikuwa na boyfriend wangu, labda yeye ndo kanibaka. Maana mtu anaeniambia amenibaka kimbunga, huyo Kimbunga hata simjui namsikia tu. Nashindwa kuelewa, kwa nini mtu azushe kitu kama hicho yaani ndo nataka kujua source ni nini.” Alisema Linah. 

“ Niko fine yaani, kwa sababu naelewa it’s not true, lakini nafikiria huyo mtu mpaka kaamua kunifanyia kitu kama hicho, nimemkosea nini au kuna kitu gani yaani hicho ndicho kinaniumiza kichwa.”

Kwa mujibu wa mtandao huo ulimtafuta Kala Pina kutaka kujua kulikoni, lakini yeye alisema habari hizo zipo na zimeenea katika maeneo mengi ya Kinondoni na kwamba  watu wanaendelea kudai kuwa habari hizo ni za kweli.